2016 جىلعى 23 مامىر, استانا, ۇكىمەت ءۇيى
اقپاراتتىق جۇيەنى, «ەلەكتروندىق ۇكىمەتتىڭ» اقپاراتتىق-كوممۋنيكاتسيالىق پلاتفورماسىن, مەملەكەتتىك ورگاننىڭ ينتەرنەت-رەسۋرسىن اقپاراتتىق قاۋىپسىزدىك تالاپتارىنا سايكەستىككە اتتەستاتتاۋدان وتكىزۋ قاعيدالارىن بەكىتۋ تۋرالى
«اقپاراتتاندىرۋ تۋرالى» 2015 جىلعى 24 قاراشاداعى قازاقستان رەسپۋبليكاسىنىڭ زاڭى 6-بابىنىڭ 5) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. قوسا بەرىلىپ وتىرعان اقپاراتتىق جۇيەنى, «ەلەكتروندىق ۇكىمەتتىڭ» اقپاراتتىق-كوممۋنيكاتسيالىق پلاتفورماسىن, مەملەكەتتىك ورگاننىڭ ينتەرنەت-رەسۋرسىن اقپاراتتىق قاۋىپسىزدىك تالاپتارىنا سايكەستىككە اتتەستاتتاۋدان وتكىزۋ قاعيدالارى بەكىتىلسىن.
2. وسى قاۋلىعا قوسىمشاعا سايكەس قازاقستان رەسپۋبليكاسى ۇكىمەتىنىڭ كەيبىر شەشىمدەرىنىڭ كۇشى جويىلدى دەپ تانىلسىن.
3. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ
قازاقستان رەسپۋبليكاسى ۇكىمەتىنىڭ
2016 جىلعى 23 مامىرداعى №298 قاۋلىسىمەن بەكىتىلگەن
اقپاراتتىق جۇيەنى, «ەلەكتروندىق ۇكىمەتتىڭ» اقپاراتتىق-كوممۋنيكاتسيالىق
پلاتفورماسىن, مەملەكەتتىك ورگاننىڭ ينتەرنەت-رەسۋرسىن اقپاراتتىق قاۋىپسىزدىك
تالاپتارىنا سايكەستىككە اتتەستاتتاۋدان وتكىزۋ قاعيدالارى
1. جالپى ەرەجەلەر
1. وسى اقپاراتتىق جۇيەنى, «ەلەكتروندىق ۇكىمەتتىڭ» اقپاراتتىق-كوممۋنيكاتسيالىق پلاتفورماسىن, مەملەكەتتىك ورگاننىڭ ينتەرنەت-رەسۋرسىن اقپاراتتىق قاۋىپسىزدىك تالاپتارىنا سايكەستىككە اتتەستاتتاۋدان وتكىزۋ قاعيدالارى (بۇدان ءارى – قاعيدالار) «اقپاراتتاندىرۋ تۋرالى» 2015 جىلعى 24 قاراشاداعى قازاقستان رەسپۋبليكاسىنىڭ زاڭى 6-بابىنىڭ 5) تارماقشاسىنا سايكەس ازىرلەندى جانە اقپاراتتىق جۇيەلەردى, «ەلەكتروندىق ۇكىمەتتىڭ» اقپاراتتىق-كوممۋنيكاتسيالىق پلاتفورماسىن, مەملەكەتتىك ورگاننىڭ ينتەرنەت-رەسۋرسىن اقپاراتتىق قاۋىپسىزدىك تالاپتارىنا سايكەستىككە اتتەستاتتاۋدان وتكىزۋ ءتارتىبىن ايقىندايدى.
2. وسى قاعيدالار مەملەكەتتىك قۇپيالارعا جاتقىزىلعان, قورعالىپ ورىندالاتىن اقپاراتتىق جۇيەلەرگە اتتەستاتتاۋ جۇرگىزۋگە قولدانىلمايدى.
3. قاعيدالاردا پايدالانىلاتىن نەگىزگى انىقتامالار, تەرميندەر جانە ۇعىمدار:
1) اقپاراتتاندىرۋ سالاسىنداعى ۋاكىلەتتى ورگان (بۇدان ءارى – ۋاكىلەتتى ورگان) – اقپاراتتاندىرۋ جانە «ەلەكتروندىق ۇكiمەت» سالاسىندا باسشىلىقتى جانە سالاارالىق ۇيلەستiرۋدى جۇزەگە اسىراتىن ورتالىق اتقارۋشى ورگان;
2) مەملەكەتتىك تەحنيكالىق قىزمەت – قازاقستان رەسپۋبليكاسى ۇكىمەتىنىڭ شەشىمى بويىنشا قۇرىلعان, شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورىن;
3) ءوتىنىش بەرۋشى – اتتەستاتتاۋ وبەكتىسىن اقپاراتتىق قاۋىپسىزدىك تالاپتارىنا سايكەستiككە اتتەستاتتاۋ ءجۇرگiزۋگە ءوتiنiش بەرگەن اتتەستاتتاۋ وبەكتىسىنىڭ يەسى (يەلەنۋشى) نەمەسە ول وكىلەتتىك بەرگەن تۇلعا;
4) اقپاراتتاندىرۋ سالاسىنداعى اقپاراتتىق قاۋىپسىزدىك (بۇدان ءارى –اقپاراتتىق قاۋىپسىزدىك) – ەلەكتروندىق اقپاراتتىق رەسۋرستاردىڭ, اقپاراتتىق جۇيەلەردىڭ جانە اقپاراتتىق-كوممۋنيكاتسيالىق ينفراقۇرىلىمنىڭ سىرتقى جانە ىشكى قاتەرلەردەن قورعالۋىنىڭ جاي-كۇيى;
5) اقپاراتتىق-كوممۋنيكاتسيالىق ينفراقۇرىلىم – ەلەكتروندىق اقپاراتتىق رەسۋرستاردى قالىپتاستىرۋ جانە ولارعا قول جەتكىزۋدى ۇسىنۋ ماقساتىندا تەحنولوگيالىق ورتانىڭ جۇمىس ىستەۋىن قامتاماسىز ەتۋگە ارنالعان اقپاراتتىق-كوممۋنيكاتسيالىق ينفراقۇرىلىم وبەكتىلەرىنىڭ جيىنتىعى;
6) اتتەستاتتاۋ وبەكتىلەرى – اقپاراتتىق جۇيە, «ەلەكتروندىق ۇكىمەتتىڭ» اقپاراتتىق-كوممۋنيكاتسيالىق پلاتفورماسى, ينتەرنەت-رەسۋرس;
7) اپپاراتتىق-باعدارلامالىق كەشەن – بەلگىلى ءبىر تيپتەگى مىندەتتەردى شەشۋ ءۇشىن بىرلەسىپ قولدانىلاتىن باعدارلامالىق قامتىلىم مەن تەحنيكالىق قۇرالدار جيىنتىعى;
8) اقپاراتتىق جۇيە – اقپاراتتىق ءوزارا ءىس-قيمىل ارقىلى بەلگىلى ءبىر تەحنولوگيالىق ارەكەتتەردى ىسكە اسىراتىن جانە ناقتى فۋنكتسيونالدىق مىندەتتەردى شەشۋگە ارنالعان اقپاراتتىق-كوممۋنيكاتسيالىق تەحنولوگيالاردىڭ, قىزمەت كورسەتۋشى پەرسونالدىڭ جانە تەحنيكالىق قۇجاتتامانىڭ ۇيىمداستىرىلىپ رەتكە كەلتىرىلگەن جيىنتىعى;
9) «ەلەكتروندىق ۇكىمەتتىڭ» اقپاراتتىق-كوممۋنيكاتسيالىق پلاتفورماسى – اقپاراتتاندىرۋدىڭ سەرۆيستىك مودەلىن ىسكە اسىرۋعا ارنالعان تەحنولوگيالىق پلاتفورما;
10) ينتەرنەت-رەسۋرس – اپپاراتتىق-باعدارلامالىق كەشەندە ورنالاستىرىلاتىن, بىرەگەي جەلىلىك ادرەسى جانە (نەمەسە) دومەندىك اتى بار جانە ينتەرنەتتە جۇمىس ىستەيتىن, ماتىندىك, گرافيكالىق, اۋديوكورىنىمدى نەمەسە وزگە دە تۇردە بەينەلەنەتىن ەلەكتروندىق اقپاراتتىق رەسۋرس;
11) اتتەستاتتاۋ كوميسسياسى – اتتەستاتتىق زەرتتەپ-قاراۋ ناتيجەلەرىن قارايتىن جانە ءتيىستى ۇسىنىمدار بەرەتىن, ۋاكىلەتتى ورگان جانىنداعى كونسۋلتاتسيالىق-كەڭەسشى ورگان;
12) اقپاراتتىق جۇيەنىڭ, «ەلەكتروندىق ۇكىمەتتىڭ» اقپاراتتىق-كوممۋنيكاتسيالىق پلاتفورماسىنىڭ, مەملەكەتتىك ورگاننىڭ ينتەرنەت-رەسۋرسىنىڭ اقپاراتتىق قاۋىپسىزدىك تالاپتارىنا سايكەستىگى اتتەستاتى (بۇدان ءارى – اتتەستات) – اتتەستاتتاۋ وبەكتىسىنىڭ اقپاراتتىق قاۋىپسىزدىك تالاپتارىنا سايكەستىگى فاكتىسىن راستايتىن قۇجات;
13) اتتەستاتسيالىق زەرتتەپ-قاراۋ اكتىسى – اتتەستاتتاۋ وبەكتىسىنىڭ ناقتى قورعالۋ جاي-كۇيى تۋرالى مالىمەتتەردى قامتيتىن قۇجات;
14) اقپاراتتىق قاۋىپسىزدىك تالاپتارىنا سايكەستىككە اتتەستاتتاۋ (بۇدان ءارى – اتتەستاتتاۋ) – اتتەستاتتاۋ وبەكتىلەرىنىڭ قورعالۋىنىڭ جاي-كۇيىن, سونداي-اق ولاردىڭ اقپاراتتىق قاۋىپسىزدىك تالاپتارىنا سايكەستىگىن ايقىنداۋ جونىندەگى ۇيىمداستىرۋشىلىق-تەحنيكالىق ءىس-شارالار;
15) اتتەستاتتىق زەرتتەپ-قاراۋ – اتتەستاتتاۋ وبەكتىسىنىڭ تەحنيكالىق قۇجاتتاماسىن زەردەلەۋگە, تالداۋعا, باعالاۋعا, اقپاراتتىق قاۋىپسىزدىك تالاپتارىن ورىنداۋ جونىندەگى جۇمىستاردىڭ ۇيىمداستىرىلۋ جاي-كۇيىن زەرتتەپ-قاراۋعا باعىتتالعان ۇيىمداستىرۋ-تەحنيكالىق ءىس-شارالار كەشەنى;
16) اقپاراتتىق قاۋىپسىزدىك بويىنشا تەحنيكالىق قۇجاتتاما (بۇدان ءارى – اق بويىنشا تق) – اقپاراتتىق-كوممۋنيكاتسيالىق تەحنولوگيالار جانە اقپاراتتىق قاۋىپسىزدىكتى قامتاماسىز ەتۋ سالاسىنداعى بىرىڭعاي تالاپتارعا (بۇدان ءارى – بت) سايكەس ازىرلەنگەن جانە اتتەستاتتاۋ وبەكتىسىنىڭ اقپاراتتىق قاۋىپسىزدىگىن قامتاماسىز ەتۋ جونىندەگى جالپى تالاپتاردى, قاعيداتتار مەن قاعيدالاردى رەگلامەنتتەيتىن قۇجاتتار جيىنتىعى.
4. مەملەكەتتىك ورگاننىڭ اقپاراتتىق جۇيەسىن, اقپاراتتىق-كوممۋنيكاتسيالىق ينفراقۇرىلىمنىڭ اسا ماڭىزدى وبەكتىلەرىنە جاتقىزىلعان اقپاراتتىق جۇيەنى, مەملەكەتتىك ورگاننىڭ اقپاراتتىق جۇيەسىمەن ينتەگراتسيالاناتىن نەمەسە مەملەكەتتىك ورگاننىڭ ەلەكتروندىق اقپاراتتىق رەسۋرستارىن قالىپتاستىرۋعا ارنالعان مەملەكەتتىك ەمەس اقپاراتتىق جۇيەنى, مەملەكەتتىك ورگاننىڭ ينتەرنەت-رەسۋرسىن جانە «ەلەكتروندىق ۇكىمەتتىڭ» اقپاراتتىق-كوممۋنيكاتسيالىق پلاتفورماسىن ونەركاسىپتىك پايدالانۋعا اتتەستاتى بولعان كەزدە عانا جول بەرىلەدى.
5. مىندەتتى اتتەستاتتالاتىن وبەكتىلەر:
1) مەملەكەتتىك ورگاننىڭ اقپاراتتىق جۇيەسى;
2) مەملەكەتتىك ورگاننىڭ اقپاراتتىق جۇيەسىمەن ينتەگراتسيالاناتىن نەمەسە مەملەكەتتىك ورگاننىڭ ەلەكتروندىق اقپاراتتىق رەسۋرستارىن قالىپتاستىرۋعا ارنالعان مەملەكەتتىك ەمەس اقپاراتتىق جۇيە;
3) اقپاراتتىق-كوممۋنيكاتسيالىق ينفراقۇرىلىمنىڭ اسا ماڭىزدى وبەكتىلەرىنە جاتقىزىلعان اقپاراتتىق جۇيە;
4) «ەلەكتروندىق ۇكىمەتتىڭ» اقپاراتتىق-كوممۋنيكاتسيالىق پلاتفورماسى;
5) مەملەكەتتىك ورگاننىڭ ينتەرنەت-رەسۋرسى.
6. مەملەكەتتىك ەمەس اقپاراتتىق جۇيەلەر جانە مەملەكەتتىك ەمەس ينتەرنەت-رەسۋرستار مەنشىك يەسىنىڭ (يەلەنۋشىنىڭ) نە ول ۋاكىلەتتىك بەرگەن تۇلعانىڭ باستاماسى بويىنشا اقپاراتتىق قاۋىپسىزدىك تالاپتارىنا سايكەستىگىنە اتتەستاتتاۋدان ءوتۋى مۇمكىن.
7. اتتەستاتتاۋ مىناداي كەزەڭدەردەن تۇرادى:
1) اتتەستاتتاۋدان وتكىزۋگە ءوتىنىش قابىلداۋ جانە قۇجاتتار توپتاماسىن نىسان مەن جيىنتىقتىعىنا سايكەستىگى تۇرعىسىنان تەكسەرۋ;
2) اتتەستاتتىق زەرتتەپ-قاراۋ;
3) اتتەستاتتاۋ كوميسسياسىنىڭ اتتەستاتتىق زەرتتەپ-قاراۋ ناتيجەلەرىن قاراۋى;
4) ۋاكىلەتتى ورگاننىڭ شەشىم قابىلداۋى.
8. اتتەستاتتاۋ وبەكتىلەرىن اقپاراتتىق قاۋىپسىزدىك تالاپتارىنا سايكەستىككە اتتەستاتتاۋدى ۋاكىلەتتى ورگان جۇرگىزەدى.
9. اتتەستاتتاۋ وبەكتىلەرىن اتتەستاتتىق زەرتتەپ-قاراۋدى مەملەكەتتىك تەحنيكالىق قىزمەت جۇرگىزەدى.
10. اتتەستاتتىق زەرتتەپ-قاراۋ اكتىسىن قاراۋدى جانە اتتەستاتتىق زەرتتەپ-قاراۋ ناتيجەلەرى بويىنشا ۇسىنىمدار قالىپتاستىرۋدى اتتەستاتتاۋ كوميسسياسى جۇزەگە اسىرادى, ونىڭ قۇرامىنا مىنا:
قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ;
مەملەكەتتىك قۇپيالاردى قورعاۋ مەن اقپاراتتىق قاۋىپسىزدىكتى قامتاماسىز ەتۋ جونىندەگى ۋاكىلەتتى مەملەكەتتىك ورگاننىڭ;
ۋاكىلەتتى ورگاننىڭ وكىلدەرى كىرەدى.
اتتەستاتتاۋ كوميسسياسىنىڭ ەرەجەسى مەن قۇرامىن ۋاكىلەتتى ورگان بەكىتەدى.
11. مىندەتتى اتتەستاتتاۋعا جاتاتىن اتتەستاتتاۋ وبەكتىسىنىڭ يەسى نە يەلەنۋشى نەمەسە ول ۋاكىلەتتىك بەرگەن تۇلعا اعىمداعى جىلى اتتەستاتتاۋ جوسپارلاعان وبەكتiلەردiڭ تiزبەسىن وسى قاعيدالارعا 1-قوسىمشاعا سايكەس نىسان بويىنشا جىل سايىن 1 ناۋرىزدان كەشىكتىرمەي ۋاكىلەتتى ورگانعا جولدايدى.
12. اقپاراتتىق قاۋىپسىزدىك تالاپتارىنا سايكەستىككە اتتەستاتتاۋدان وتكىزۋگە ارنالعان ءوتىنىشتى ۋاكىلەتتى ورگان اعىمداعى جىلعى 1 قاراشادان كەشىكتىرمەي قابىلدايدى.
2. اتتەستاتتاۋدان وتكىزۋ ءتارتىبى
13. ءوتىنىش بەرۋشى مىنا قۇجاتتاردى ۇسىنا وتىرىپ, وسى قاعيدالارعا 2-قوسىمشاعا سايكەس نىسان بويىنشا ۋاكىلەتتى ورگانعا اتتەستاتتاۋ جۇرگىزۋگە ءوتىنىش بەرەدى:
1) جەكە باسىن كۋالاندىراتىن قۇجاتتىڭ كوشىرمەسى (جەكە تۇلعالار ءۇشىن);
2) تەحنيكالىق تاپسىرمانىڭ كوشىرمەسى, ينتەرنەت-رەسۋرسقا تەحنيكالىق تاپسىرما جوق بولعان جاعدايدا تەحنيكالىق ەرەكشەلىك جىبەرىلەدى;
3) اكىمشى سەرۆەرلەرىنىڭ پايدالانىلاتىن بىرەگەي جەلىلىك مەكەنجايلارى مەن جۇمىس ستانتسيالارى كورسەتىلىپ, مەنشىك يەسى (يەلەنۋشى) بەكىتكەن جانە ءوتىنىش بەرۋشىنىڭ قولىمەن جانە مورىمەن كۋالاندىرىلعان اتتەستاتتاۋ وبەكتىسىنىڭ جالپى فۋنكتسيونالدىق سحەماسى جانە جالپى فۋنكتسيونالدىق سحەماعا تۇسىندىرمە جازبا;
4) مەنشىك يەسى (يەلەنۋشى) بەكىتكەن جانە ءوتىنىش بەرۋشىنىڭ قولىمەن جانە مورىمەن كۋالاندىرىلعان اتتەستاتتاۋ وبەكتىسىنىڭ وسى قاعيدالارعا 3-قوسىمشاعا سايكەس اق بويىنشا تق كوشىرمەلەرى;
5) اتتەستاتتاۋ وبەكتىسىمەن ينتەگراتسيالانعان اقپاراتتاندىرۋ وبەكتىلەرىنىڭ وسى قاعيدالارعا 4-قوسىمشاعا سايكەس نىسان بويىنشا مەنشىك يەسى بەكىتكەن جانە ءوتىنىش بەرۋشىنىڭ قولىمەن جانە مورىمەن كۋالاندىرىلعان تىزبەسى (اتتەستاتتاۋ وبەكتىسىمەن ينتەگراتسيالانعان اقپاراتتاندىرۋ وبەكتىلەرى بولعان كەزدە);
6) اتتەستاتتاۋ وبەكتىسىنىڭ قۇرامىنا كىرەتىن تەحنيكالىق جانە باعدارلامالىق قۇرالداردىڭ وسى قاعيدالارعا 5 جانە 6-قوسىمشالارعا سايكەس نىسان بويىنشا مەنشىك يەسى (يەلەنۋشى) بەكىتكەن جانە ءوتىنىش بەرۋشىنىڭ قولىمەن جانە مورىمەن كۋالاندىرىلعان كوشىرمەلەرى (اتتەستاتتاۋ وبەكتىسى اقپاراتتىق-كوممۋنيكاتسيالىق قىزمەتتەردى پايدالانبايتىن جاعدايدا);
7) تەحنيكالىق سيپاتتاما مەن اقپاراتتىق-كوممۋنيكاتسيالىق قىزمەتتەر كورسەتۋ شارتى قوسا بەرىلگەن اقپاراتتىق-كوممۋنيكاتسيالىق قىزمەتتەردى پايدالانۋعا ارنالعان شارتتىڭ كوشىرمەسى (اتتەستاتتاۋ وبەكتىسى اقپاراتتىق-كوممۋنيكاتسيالىق قىزمەتتەردى پايدالاناتىن جاعدايدا).
14. ۋاكىلەتتى ورگان ءوتىنىشتى العاننان كەيىن ءۇش جۇمىس كۇنى ىشىندە ءوتىنىشتىڭ جانە وتىنىشكە قوسا بەرىلگەن قۇجاتتاردىڭ وسى قاعيدالاردا بەلگىلەنگەن نىسان مەن جيىنتىققا قويىلاتىن تالاپتارعا سايكەستىگىن تەكسەرۋدى جۇزەگە اسىرادى.
15. ءوتىنىش جانە (نەمەسە) قۇجاتتار بەلگىلەنگەن تالاپتارعا سايكەس كەلمەگەن جاعدايدا ۋاكىلەتتى ورگان ولاردى قايتارۋ سەبەپتەرىن كورسەتە وتىرىپ, ءوتىنىش بەرۋشىگە قايتارادى.
16. ءوتىنىش جانە قوسا بەرىلگەن قۇجاتتار نىسان مەن جيىنتىققا قويىلاتىن تالاپتارعا سايكەس كەلگەن جاعدايدا, ۋاكىلەتتى ورگان وسى قاعيدالاردىڭ 14-تارماعىندا بەلگىلەنگەن مەرزىم ىشىندە قوسا بەرىلگەن قۇجاتتار مەن ءوتىنىشتى مەملەكەتتىك تەحنيكالىق قىزمەتكە جىبەرەدى.
17. ءوتىنىشتى جانە قوسا بەرىلگەن قۇجاتتاردى العاننان كەيىن مەملەكەتتىك تەحنيكالىق قىزمەت ءۇش جۇمىس كۇنىنەن كەشىكتىرمەي ءوتىنىش بەرۋشىگە اتتەستاتتىق زەرتتەپ-قاراۋ بويىنشا قىزمەتتەر كورسەتۋ شارتىنىڭ ەكى داناسىن جولدايدى. ءوتىنىش بەرۋشى شارتتىڭ دانالارىن العان كۇنىنەن باستاپ بەس جۇمىس كۇنى ىشىندە قول قويادى جانە ءبىر داناسىن مەملەكەتتىك تەحنيكالىق قىزمەتكە قايتارادى.
كورسەتىلگەن مەرزىم وتكەن سوڭ شارتتىڭ ءوتىنىش بەرۋشى قول قويعان داناسى مەملەكەتتىك تەحنيكالىق قىزمەتكە ۇسىنىلماعان جاعدايدا, اتتەستاتتاۋ جۇرگىزۋگە ارنالعان ءوتىنىشتىڭ كۇشى جويىلدى دەپ سانالادى.
18. اتتەستاتتىق زەرتتەپ-قاراۋ قۇنىن ۋاكىلەتتى ورگان مونوپولياعا قارسى ورگانمەن كەلىسۋ بويىنشا بەلگىلەيدى.
19. اتتەستاتتىق زەرتتەپ-قاراۋ مەرزىمى اتتەستاتتىق زەرتتەپ-قاراۋ جۇرگىزۋ تۋرالى شارت زاڭدى كۇشىنە ەنگەن كۇننەن باستاپ وتىز جۇمىس كۇنىنەن اسپاۋى ءتيىس.
20. مەملەكەتتىك تەحنيكالىق قىزمەت اتتەستاتتاۋ وبەكتىسىن اتتەستاتتىق زەرتتەپ-قاراۋدى ۋاكىلەتتى ورگاننىڭ بۇيرىعىمەن بەكىتىلگەن اقپاراتتىق جۇيەنى, «ەلەكتروندىق ۇكىمەتتىڭ» اقپاراتتىق-كوممۋنيكاتسيالىق پلاتفورماسىن, ينتەرنەت-رەسۋرستى اقپاراتتىق قاۋىپسىزدىك تالاپتارىنا سايكەستىككە اتتەستاتتىق زەرتتەپ-قاراۋ جۇرگىزۋ ادىستەمەسىنە سايكەس جۇرگىزەدى.
21. اتتەستاتتىق زەرتتەپ-قاراۋ بويىنشا قىزمەتتەر كورسەتۋ شارتىنىڭ تالاپتارىنا سايكەس اتتەستاتتىق زەرتتەپ-قاراۋدى جۇرگىزۋ ءۇشىن ءوتىنىش بەرۋشى مەملەكەتتىك تەحنيكالىق قىزمەتكە اتتەستاتتاۋ وبەكتىسىنىڭ ءۇي-جايىنا, جابدىققا جانە قاجەتتى قۇجاتتاماعا قولجەتىمدىلىكتى قامتاماسىز ەتەدى.
22. اتتەستاتتىق زەرتتەپ-قاراۋ مىنالاردى قامتيدى:
1) اتتەستاتتاۋ وبەكتىسىنىڭ باستاپقى دەرەكتەرىنىڭ الدىن الا ساراپتاماسى;
2) اتتەستاتتاۋ وبەكتىسىنىڭ اق بويىنشا تق-نىڭ قازاقستان رەسپۋبليكاسىنىڭ اۋماعىندا قابىلدانعان اقپاراتتىق قاۋىپسىزدىك جانە اقپاراتتى قورعاۋ سالاسىنداعى نورماتيۆتىك قۇقىقتىق اكتىلەر مەن ستاندارتتاردىڭ تالاپتارىنا سايكەستىگىن سارالاۋ جانە باعالاۋ;
3) اتتەستاتتاۋ وبەكتىسىن زەرتتەپ-قاراۋ جانە اق بويىنشا تق, ۇيىمداستىرۋ-وكىمدىك, پايدالانۋ قۇجاتتارىمەن جانە قازاقستان رەسپۋبليكاسىنىڭ اۋماعىندا قابىلدانعان اقپاراتتىق قاۋىپسىزدىك پەن اقپاراتتى قورعاۋ سالاسىنداعى نورماتيۆتىك قۇقىقتىق اكتىلەرمەن جانە ستاندارتتارمەن بەلگىلەنگەن تالاپتاردىڭ ناقتى ورىندالۋىن باعالاۋ;
4) اتتەستاتتاۋ وبەكتىسىنىڭ كومپونەنتتەرىن اسپاپتىق زەرتتەپ-قاراۋ.
23. مەملەكەتتىك تەحنيكالىق قىزمەتتىڭ اتتەستاتتاۋ وبەكتىسىن اتتەستاتتىق زەرتتەپ-قاراۋدى جۇرگىزۋ بويىنشا جۇمىستاردى جۇرگىزگەن كەزدە بەلگىلى بولعان كوممەرتسيالىق نەمەسە زاڭمەن قورعالاتىن وزگە دە قۇپيانى قۇرايتىن مالىمەتتەردى جاريالاۋعا قۇقىعى جوق.
24. مەملەكەتتىك تەحنيكالىق قىزمەت اتتەستاتتىق زەرتتەپ-قاراۋ ناتيجەلەرى بويىنشا اتتەستاتتاۋ وبەكتىسىنىڭ ناقتى قورعالۋىنىڭ جاي-كۇيى تۋرالى مالىمەتتەردى قامتيتىن اتتەستاتتىق زەرتتەپ-قاراۋ اكتىسىن جاسايدى.
25. اتتەستاتتىق زەرتتەپ-قاراۋ اكتىسى بەس دانادا جاسالادى, ونىڭ ءبىر داناسى مەملەكەتتىك تەحنيكالىق قىزمەتتە قالادى, ال قالعاندارى اتتەستاتتاۋ كوميسسياسىنىڭ مۇشەلەرى مەن ءوتىنىش بەرۋشى ءۇشىن ۋاكىلەتتى ورگانعا جىبەرىلەدى.
ۋاكىلەتتى ورگان اتتەستاتتىق زەرتتەپ-قاراۋ اكتىلەرىن العان كۇننەن باستاپ بەس جۇمىس كۇنى ىشىندە اتتەستاتتاۋ كوميسسياسىنىڭ مۇشەلەرىنە ءبىر-ءبىر داناسىن جىبەرەدى جانە اتتەستاتتىق زەرتتەپ-قاراۋ ناتيجەلەرىن قاراۋ ءۇشىن اتتەستاتتاۋ كوميسسياسىن شاقىرادى.
26. اتتەستاتتىق زەرتتەپ-قاراۋ ناتيجەلەرىن قاراعان كەزدە اتتەستاتتاۋ كوميسسياسى اتتەستاتتاۋ وبەكتىسىنىڭ فۋنكتسيونالدىق كۇردەلىلىك دەڭگەيىن, ونىڭ ماقساتىن, وڭدەيتىن اقپاراتتىڭ سيپاتىن, اتتەستاتتاۋ وبەكتىسىندە دەرەكتەردى وڭدەۋ رەجيمىن, اق بويىنشا تق جيىنتىعى مەن ونىڭ تالاپتارىنىڭ ساقتالۋىن, ناقتى اقپاراتتىق قاۋىپسىزدىك قاتەرلەرىن (قاتەرلەر مەن وسالدىقتاردىڭ الەۋەتتى كوزدەرى) باعالاۋدى ەسكەرەدى. اتتەستاتتاۋ كوميسسياسىنىڭ شەشىمى وتىرىس حاتتاماسى تۇرىندە رەسىمدەلەدى, ول ۋاكىلەتتى ورگانعا تاپسىرىلادى.
27. اتتەستاتتىق زەرتتەپ-قاراۋ اكتىسى مەن اتتەستاتتاۋ كوميسسياسىنىڭ ۇسىنىمى نەگىزىندە ۋاكىلەتتى ورگان مىناداي شەشىمدەردىڭ ءبىرىن قابىلدايدى:
1) اتتەستات بەرۋ تۋرالى;
2) اتتەستاتتى بەرۋدەن باس تارتۋ تۋرالى;
3) ءوتىنىش بەرۋشىنىڭ ايقىندالعان سايكەسسىزدىكتەردى جويۋى تۋرالى.
ءوتىنىش بەرۋشىنىڭ ايقىندالعان سايكەسسىزدىكتەردى جويۋى تۋرالى شەشىم اتتەستاتتاۋ جۇرگىزۋگە ءوتىنىش بويىنشا ءبىر رەتتەن ارتىق قابىلدانبايدى.
28. اتتەستاتتاۋ تۋرالى وڭ شەشىم قابىلداعان جاعدايدا ۋاكىلەتتى ورگان شەشىم قابىلدانعان كۇننەن باستاپ بەس جۇمىس كۇنى ىشىندە ءوتىنىش بەرۋشىگە اتتەستاتتاۋ كوميسسياسى وتىرىسى حاتتاماسىنىڭ كوشىرمەسىن, اتتەستاتتىق زەرتتەپ-قاراۋ اكتىسى مەن وسى قاعيدالارعا 7-قوسىمشاعا سايكەس نىسان بويىنشا اتتەستاتتى جىبەرەدى جانە ءتيىستى مالىمەتتەردى اتتەستاتتار تىزىلىمىنە ەنگىزەدى.
29. اتتەستاتتار ءتىزىلىمىن ۋاكىلەتتى ورگان جۇرگىزەدى, وندا مىناداي مالىمەتتەر قامتىلادى:
1) اتتەستاتتاۋ وبەكتىسىنىڭ اتاۋى;
2) اتتەستاتتاۋ وبەكتىسىنىڭ مەنشىك يەسى (يەلەنۋشى);
3) اتتەستاتتاۋ وبەكتىسىنىڭ ازىرلەۋشىسى;
4) اتتەستاتتىق زەرتتەپ-قاراۋ اكتىسىنىڭ (قوسىمشا اتتەستاتتىق زەرتتەپ-قاراۋ اكتىسىنىڭ) دەرەكتەمەلەرى;
5) اتتەستات دەرەكتەمەلەرى;
6) اتتەستاتتى كەرى قايتارىپ الۋ, كەيىن قايتارۋ;
7) اتتەستاتتىڭ ارەكەتىن توقتاتۋ.
اتتەستاتتار ءتىزىلىمى قاعاز نىساندا جۇرگىزىلەدى.
30. اتتەستاتتى بەرۋدەن باس تارتۋ تۋرالى شەشىم قابىلداعان جاعدايدا, ۋاكىلەتتى ورگان شەشىم قابىلدانعان كۇننەن باستاپ بەس جۇمىس كۇنى ىشىندە ءوتىنىش بەرۋشىگە اتتەستاتتاۋ كوميسسياسى وتىرىسى حاتتاماسىنىڭ كوشىرمەسىن جانە اتتەستاتتىق زەرتتەپ-قاراۋ اكتىسىن جولدايدى.
ءوتىنىش بەرۋشى انىقتالعان سايكەسسىزدىكتەردى جويعاننان كەيىن وسى قاعيدالاردا بەلگىلەنگەن تارتىپپەن اتالعان وبەكتىنى اتتەستاتتاۋدان وتكىزۋگە ءوتىنىش بەرۋگە قۇقىلى.
31. انىقتالعان سايكەسسىزدىكتەردى جويۋ تۋرالى شەشىم قابىلدانعان جاعدايدا, ۋاكىلەتتى ورگان شەشىم قابىلدانعان كۇننەن باستاپ بەس جۇمىس كۇنى ىشىندە ءوتىنىش بەرۋشىگە اتتەستاتتاۋ كوميسسياسى وتىرىسى حاتتاماسىنىڭ كوشىرمەسىن جانە اتتەستاتتىق زەرتتەپ-قاراۋ اكتىسىن جولدايدى.
ءوتىنىش بەرۋشى جيىرما جۇمىس كۇنى ىشىندە ايقىندالعان سايكەسسىزدىكتەردى جويعان جاعدايدا, ول ۋاكىلەتتى ورگاندى ولاردى جويعانى تۋرالى حاباردار ەتەدى جانە قوسىمشا اتتەستاتتىق زەرتتەپ-قاراۋ ءۇشىن قۇجاتتار ۇسىنادى. قوسىمشا اتتەستاتتىق زەرتتەپ-قاراۋ تەگىن جۇرگىزىلەدى.
قوسىمشا مەرزىم ءوتىنىش بەرۋشىنىڭ اتالعان قۇجاتتاردى العان كۇنىنەن باستاپ سانالادى.
32. ەسكەرتۋلەردى جويۋ تۋرالى حابارلاما جيىرما جۇمىس كۇنى ىشىندە كەلىپ تۇسپەگەنى ءوتىنىش بەرۋشىنىڭ ءوتىنىشىن قابىلداماۋ ءۇشىن نەگىز بولادى.
33. ۋاكىلەتتى ورگان حابارلامانى العان كەزدەن باستاپ ءۇش جۇمىس كۇنى ىشىندە مەملەكەتتىك تەحنيكالىق قىزمەتكە قوسىمشا اتتەستاتتىق زەرتتەپ-قاراۋ جۇرگىزۋ قاجەتتىلىگى تۋرالى حابارلايدى.
34. مەملەكەتتىك تەحنيكالىق قىزمەت ۋاكىلەتتى ورگاننان قوسىمشا اتتەستاتتىق زەرتتەپ-قاراۋ جۇرگىزۋ تۋرالى حابارلاما كەلىپ تۇسكەن كۇننەن باستاپ ون بەس جۇمىس كۇنى ىشىندە اتتەستاتتاۋ وبەكتىسىن قوسىمشا اتتەستاتتىق زەرتتەپ-قاراۋدى جۇرگىزەدى.
35. قوسىمشا اتتەستاتتىق زەرتتەپ-قاراۋ ناتيجەلەرى بويىنشا مەملەكەتتىك تەحنيكالىق قىزمەت اتتەستاتتاۋ وبەكتىسىن اتتەستاتتىق زەرتتەپ-قاراۋ جۇرگىزۋ كەزىندە ايقىندالعان ەسكەرتۋلەردى جويۋ تۋرالى مالىمەتتەردى قامتيتىن قوسىمشا اتتەستاتتىق زەرتتەپ-قاراۋ اكتىسىن جاسايدى.
قوسىمشا اتتەستاتتىق زەرتتەپ-قاراۋ اكتىسى بەس دانادا جاسالادى, ونىڭ ءبىر داناسى مەملەكەتتىك تەحنيكالىق قىزمەتتە قالادى, ال قالعاندارى اتتەستاتتاۋ كوميسسياسىنىڭ مۇشەلەرى مەن ءوتىنىش بەرۋشى ءۇشىن ۋاكىلەتتى ورگانعا جىبەرىلەدى.
36. ۋاكىلەتتى ورگان قوسىمشا اتتەستاتتىق زەرتتەپ-قاراۋ اكتىلەرىن العان كۇننەن باستاپ بەس جۇمىس كۇنى ىشىندە اتتەستاتتاۋ كوميسسياسىنىڭ مۇشەلەرىنە ءبىر-ءبىر داناسىن جىبەرەدى جانە قوسىمشا اتتەستاتتىق زەرتتەپ-قاراۋ ناتيجەلەرىن قاراۋ ءۇشىن اتتەستاتتاۋ كوميسسياسىن شاقىرادى.
37. اتتەستاتتاۋ كوميسسياسى قوسىمشا اتتەستاتتىق زەرتتەپ-قاراۋ اكتىسىن قاراۋ نەگىزىندە مىنا شەشىمدەردىڭ ءبىرىن قابىلدايدى:
1) اتتەستات بەرۋ تۋرالى;
2) اتتەستاتتى بەرۋدەن باس تارتۋ تۋرالى.
38. قوسىمشا اتتەستاتتىق زەرتتەپ-قاراۋ ناتيجەلەرى بويىنشا وڭ شەشىم قابىلداعان جاعدايدا ۋاكىلەتتى ورگان شەشىم قابىلدانعان كۇننەن باستاپ بەس جۇمىس كۇنى ىشىندە ءوتىنىش بەرۋشىگە اتتەستاتتاۋ كوميسسياسى وتىرىسى حاتتاماسىنىڭ كوشىرمەسىن, قوسىمشا اتتەستاتتىق زەرتتەپ-قاراۋ اكتىسى مەن وسى قاعيدالارعا 7-قوسىمشاعا سايكەس نىسان بويىنشا اتتەستاتتى جىبەرەدى جانە ءتيىستى مالىمەتتەردى اتتەستاتتار تىزىلىمىنە ەنگىزەدى.
39. قوسىمشا اتتەستاتتىق زەرتتەپ-قاراۋ ناتيجەلەرى بويىنشا سايكەستىك اتتەستاتىن بەرۋدەن باس تارتۋ تۋرالى شەشىم قابىلدانعان جاعدايدا ءوتىنىش بەرۋشى ايقىندالعان سايكەسسىزدىكتەردى جويعاننان كەيىن وسى قاعيدالاردا بەلگىلەنگەن تارتىپپەن اتالعان وبەكتىنى اتتەستاتتاۋدى جۇرگىزۋگە ءوتىنىش بەرۋگە قۇقىلى.
40. اتتەستات «ەلەكتروندىق ۇكىمەت» اقپاراتتىق-كوممۋنيكاتسيالىق پلاتفورماسىن قوسپاعاندا, قورعالاتىن اقپاراتتى وڭدەۋدى قامتاماسىز ەتەتىن جانە اقپاراتتىڭ قاۋىپسىزدىگىن ايقىندايتىن اتتەستاتتاۋ وبەكتىسىنىڭ, اپپاراتتىق-باعدارلامالىق كەشەن مەن اقپاراتتىق-كوممۋنيكاتسيالىق تەحنولوگيانىڭ كورسەتىلگەن مەرزىم ىشىندە جۇمىس ىستەۋ جاعدايلارى مەن فۋنكتسيونالدىعىنىڭ وزگەرمەۋىن ساقتاعان (قامتاماسىز ەتكەن) كەزدە اتتەستاتتاۋ وبەكتىسىن ونەركاسىپتىك پايدالانۋ مەرزىمىنە بەرىلەدى.
«ەلەكتروندىق ۇكىمەتتىڭ» اقپاراتتىق-كوممۋنيكاتسيالىق پلاتفورماسىنىڭ اتتەستاتى ءبىر جىلعا بەرىلەدى.
41. اتتەستاتتىڭ جارامدىلىق مەرزىمى وتكەن سوڭ اتتەستاتتاۋ وبەكتىسى وسى قاعيدالاردا بەلگىلەنگەن تارتىپپەن اتتەستاتتاۋعا جاتادى.
42. «ەلەكتروندىق ۇكىمەتتىڭ» اقپاراتتىق-كوممۋنيكاتسيالىق پلاتفورماسىن قوسپاعاندا, مىندەتتى اتتەستاتتاۋعا جاتاتىن وبەكتىلەر اتتەستاتتى العان كۇنىنەن باستاپ ءبىر جىل ىشىندە مەملەكەتتىك تەحنيكالىق قىزمەتتىڭ اقپاراتتىق قاۋىپسىزدىكتى قامتاماسىز ەتۋدىڭ مونيتورينگى اقپاراتتىق جۇيەسىنە قوسىلادى جانە بۇل تۋرالى ۋاكىلەتتى ورگانعا حابارلايدى.
43. اتتەستاتتاۋ وبەكتىسىنىڭ جۇمىس ىستەۋ جاعدايلارى مەن فۋنكتسيونالدىعى وزگەرگەن جاعدايدا, اتتەستاتتاۋ وبەكتىسىنىڭ مەنشىك يەسى نەمەسە يەلەنۋشىسى ونى دامىتۋ جۇمىستارىن اياقتاعاننان كەيىن ۋاكىلەتتى ورگانعا وسى قاعيدالاردا بەلگىلەنگەن تارتىپپەن بارلىق جۇرگىزىلگەن وزگەرىستەردىڭ سيپاتتاماسى قوسا بەرىلگەن, قايتا اتتەستاتتاۋدى جۇرگىزۋ قاجەتتىگى تۋرالى حابارلاما جىبەرەدى.
اتتەستاتتاۋ وبەكتىسىنىڭ بەلگىلەنگەن جۇمىس ىستەۋ جاعدايلارىن, قورعالاتىن اقپاراتتى وڭدەۋدىڭ تەحنولوگياسىن جانە اقپاراتتىق قاۋىپسىزدىك بويىنشا تالاپتاردى ورىنداۋ ءۇشىن جاۋاپكەرشىلىك اتتەستاتتاۋ وبەكتىسىنىڭ مەنشىك يەسىنە جانە (نەمەسە) يەلەنۋشىگە جۇكتەلەدى.
44. ۋاكىلەتتى ورگان حابارلامانى العان كۇنىنەن باستاپ ءۇش جۇمىس كۇنى ىشىندە اتتەستاتتاۋ وبەكتىسىن قايتا اتتەستاتتىق زەرتتەپ-قاراۋ جۇرگىزۋ تۋرالى شەشىم قابىلداۋ ءۇشىن اتتەستاتتاۋ كوميسسياسىن شاقىرادى.
45. ۋاكىلەتتى ورگان:
1) وسى قاعيدالاردىڭ 41-تارماعىندا كورسەتىلگەن تالاپتار ورىندالماعان;
2) اتتەستاتتاۋ وبەكتىسى مەنشىك يەسىنىڭ نەمەسە يەلەنۋشىنىڭ جازباشا ءوتىنىشى بولعان;
3) اتتەستاتتاۋ وبەكتىسىنىڭ قازاقستان رەسپۋبليكاسىنىڭ كاسىپكەرلىك كودەكسىنە سايكەس جۇرگىزىلگەن زەرتتەپ-قاراۋ كەزىندە انىقتالعان اقپاراتتىق قاۋىپسىزدىك تالاپتارىنا سايكەس كەلمەگەن;
4) اقپاراتتىق جۇيەنىڭ جۇمىس ىستەۋ جاعدايلارى مەن فۋنكتسيونالدىعى وزگەرگەن;
5) اتتەستاتتاۋ وبەكتىسىن پايدالانۋ توقتاتىلعان جاعدايلاردا اتتەستاتتى كەرى قايتارىپ الۋ تۋرالى شەشىم قابىلدايدى.
46. اتتەستاتتى كەرى قايتارىپ الۋ تۋرالى شەشىمنىڭ كوشىرمەسى اتتەستاتتاۋ وبەكتىسىنىڭ مەنشىك يەسىنە (يەلەنۋشىگە) جىبەرىلەدى جانە ول اتالعان شەشىمىنىڭ كوشىرمەسىن العان كۇننەن باستاپ ءۇش جۇمىس كۇنى ىشىندە اتتەستاتتى ۋاكىلەتتى ورگانعا قايتارادى جانە قاجەت بولعان جاعدايدا, وسى قاعيدالاردا بەلگىلەنگەن تارتىپپەن اتتەستاتتاۋ وبەكتىسىن اتتەستاتتاۋدان وتكىزۋگە ءوتىنىش جولدايدى.
47. جاڭا سەرۆيستىك باعدارلامالىق ءونىمدى ەنگىزۋ, سەرۆيستىك باعدارلامالىق ءونىمنىڭ وزگەرۋى «ەلەكتروندىق ۇكىمەتتىڭ» اقپاراتتىق-كوممۋنيكاتسيالىق پلاتفورماسىنىڭ اتتەستاتىن كەرى قايتارىپ الۋعا اكەپ سوقتىرمايدى.
48. اتتەستات جوعالعان, بۇزىلعان نەمەسە ب ۇلىنگەن جاعدايدا اتتەستاتتاۋ وبەكتىسىنىڭ مەنشىك يەسى (يەلەنۋشى) ۋاكiلەتتi ورگانعا سەبەپتەرىن كورسەتە وتىرىپ حابارلاما جىبەرەدى. ۋاكىلەتتى ورگان حابارلامانى العان كۇننەن باستاپ بەس جۇمىس كۇنى ىشىندە اتتەستاتتىڭ تەلنۇسقاسىن بەرەدى.
اقپاراتتىق جۇيەنى, «ەلەكتروندىق ۇكىمەتتىڭ» اقپاراتتىق-كوممۋنيكاتسيالىق
پلاتفورماسىن, مەملەكەتتىك ورگاننىڭ ينتەرنەت-رەسۋرسىن اقپاراتتىق قاۋىپسىزدىك
تالاپتارىنا سايكەستىككە اتتەستاتتاۋدان وتكىزۋ قاعيدالارىنا 1-قوسىمشا
نىسان
اعىمداعى جىلى اتتەستاتتاۋ جۇرگىزۋ جوسپارلاناتىن وبەكتىلەردىڭ تىزبەسى
ر/س № اتتەستاتتاۋ وبەكتىسىنىڭ مەنشىك يەسى (يەلەنۋشى) اتتەستاتتاۋ وبەكتىسىنىڭ اتاۋى اتتەستاتتاۋ وبەكتىسىنىڭ تىرشىلىك تسيكلىنىڭ كەزەڭى اتتەستاتتاۋدان ءوتۋدىڭ جوسپارلى مەرزىمى اتتەستاتتاۋ وبەكتىسىنىڭ سىناقتان وتكىزۋ اكتىسىنىڭ دەرەكتەمەلەرى
1 2 3 4 5 7
اقپاراتتىق جۇيەنى, «ەلەكتروندىق ۇكىمەتتىڭ» اقپاراتتىق-كوممۋنيكاتسيالىق
پلاتفورماسىن, مەملەكەتتىك ورگاننىڭ ينتەرنەت-رەسۋرسىن اقپاراتتىق قاۋىپسىزدىك
تالاپتارىنا سايكەستىككە اتتەستاتتاۋدان وتكىزۋ قاعيدالارىنا 2-قوسىمشا
نىسان
كىمگە__________________________________
(اتتەستاتتاۋ جونىندەگى ورگاننىڭ اتاۋى)
اقپاراتتىق قاۋىپسىزدىك تالاپتارىنا سايكەستىككە
اتتەستاتتاۋدان وتكىزۋگە
ءوتىنىش
________________________________________________________________________________
ء(وتىنىش بەرۋشىنىڭ اتاۋى, ءوتىنىش بەرۋشىنىڭ بسن, ءوتىنىش بەرۋشىنىڭ ت.ا.ءا. (بار بولسا)
____________________________________________ اقپاراتتىق قاۋىپسىزدىك
(اتتەستاتتاۋ وبەكتىسىنىڭ اتاۋى)
تالاپتارىنا سايكەستىككە اتتەستاتتاۋدان وتكىزۋدى سۇرايدى.
1. اقپاراتتىق قاۋىپسىزدىك تالاپتارىنا سايكەستىككە اتتەستاتتاۋعا ۇسىنىلعان اتتەستاتتاۋ وبەكتىسىنىڭ باستاپقى دەرەكتەرى ____ پاراقتا قوسا بەرىلەدى.
2. _____________________________________________________________________________
ء(وتىنىش بەرۋشىنىڭ اتاۋى, ءوتىنىش بەرۋشىنىڭ ت.ا.ءا. (بار بولسا)
اتتەستاتتاۋ وبەكتىسىن اقپاراتتىق قاۋىپسىزدىك تالاپتارىنا سايكەستىككە اتتەستاتتاۋدان وتكىزۋ ءۇشىن قاجەتتى قۇجاتتاردى ۇسىنۋعا جانە جاعداي جاساۋعا مىندەتتەنەدى.
____________________________ (قولى)
م.و.
20___ جىلعى «_____» _________________
اقپاراتتىق جۇيەنى, «ەلەكتروندىق ۇكىمەتتىڭ» اقپاراتتىق-كوممۋنيكاتسيالىق
پلاتفورماسىن, مەملەكەتتىك ورگاننىڭ ينتەرنەت-رەسۋرسىن اقپاراتتىق قاۋىپسىزدىك
تالاپتارىنا سايكەستىككە اتتەستاتتاۋدان وتكىزۋ قاعيدالارىنا 3-قوسىمشا
اقپاراتتىق قاۋىپسىزدىك جونىندەگى تەحنيكالىق قۇجاتتامانىڭ تىزبەسى
1. اقپاراتتىق قاۋىپسىزدىك ساياساتى.
2. اقپاراتتىق قاۋىپسىزدىك تاۋەكەلدەرىن باعالاۋ ادىستەمەسى.
3. اقپاراتتى وڭدەۋ قۇرالدارىمەن بايلانىستى اكتيۆتەردى سايكەستەندىرۋ, جىكتەۋ جانە تاڭبالاۋ قاعيدالارى.
4. اقپاراتتى وڭدەۋ قۇرالدارىمەن بايلانىستى اكتيۆتەردىڭ ۇزدىكسىز جۇمىسىن قامتاماسىز ەتۋ قاعيدالارى.
5. ەسەپتەۋ تەحنيكاسى قۇرالدارىن, تەلەكوممۋنيكاتسيا جابدىعىن جانە باعدارلامالىق قامتاماسىز ەتۋدى تۇگەندەۋ مەن پاسپورتتاندىرۋ قاعيدالارى.
6. ىشكى اقپاراتتىق قاۋىپسىزدىك ءاۋديتىن وتكىزۋ قاعيدالارى.
7. اتتەستاتتاۋ وبەكتىسىندە اقپاراتتى كريپتوگرافيالىق قورعاۋ قۇرالدارىن پايدالانۋ ءتارتىبى (بۇل قۇجات اقپاراتتى كريپتوگرافيالىق قورعاۋ قۇرالدارىن پايدالاناتىن اتتەستاتتاۋ وبەكتىلەرى ءۇشىن مىندەتتى بولىپ تابىلادى).
8. اتتەستاتتاۋ وبەكتىسىنىڭ اقپاراتتىق رەسۋرستارىنا قول جەتكىزۋ قۇقىقتارىنىڭ اراجىگىن اجىراتۋ قاعيدالارى.
9. ينتەرنەت جەلىسى مەن ەلەكتروندىق پوشتانى پايدالانۋ قاعيدالارى.
10. اۋتەنتيفيكاتسيا ءراسىمىن ۇيىمداستىرۋ قاعيدالارى.
11. ۆيرۋسقا قارسى باقىلاۋدى ۇيىمداستىرۋ قاعيدالارى.
12. موبيلدىك قۇرىلعىلاردى جانە اقپارات تاسىعىشتاردى پايدالانۋ قاعيدالارى.
13. اتتەستاتتاۋ وبەكتىسىنىڭ اقپاراتتى وندەۋ قۇرالدارىن فيزيكالىق قورعاۋدى جانە اقپاراتتىق رەسۋرستاردىڭ قاۋىپسىز جۇمىس ىستەۋ ورتاسىن ۇيىمداستىرۋ قاعيدالارى.
14. اكىمشىنىڭ اتتەستاتتاۋ وبەكتىسىن سۇيەمەلدەۋ جونىندەگى نۇسقاۋلىعى.
15. اتتەستاتتاۋ وبەكتىسىنىڭ اقپاراتىن رەزەرۆتىك كوشىرۋ جانە قالپىنا كەلتىرۋ رەگلامەنتى.
16. پايدالانۋشىلاردىڭ اقپاراتتىق قاۋىپسىزدىك ينتسيدەنتتەرىنە جانە شتاتتان تىس (داعدارىستى) جاعدايلاردا ءىس-قيمىل ءتارتىبى تۋرالى نۇسقاۋلىق.
اقپاراتتىق جۇيەنى, «ەلەكتروندىق ۇكىمەتتىڭ» اقپاراتتىق-كوممۋنيكاتسيالىق
پلاتفورماسىن, مەملەكەتتىك ورگاننىڭ ينتەرنەت-رەسۋرسىن اقپاراتتىق قاۋىپسىزدىك
تالاپتارىنا سايكەستىككە اتتەستاتتاۋدان وتكىزۋ قاعيدالارىنا 4-قوسىمشا
نىسان
اتتەستاتتاۋ وبەكتىسىمەن ينتەگراتسيالانعان اقپاراتتاندىرۋ وبەكتىلەرىنىڭ تىزبەسى
ر/س № اقپاراتتاندىرۋ وبەكتىسىنىڭ اتاۋى مەنشىك يەسى (يەلەنۋشى) ءوزارا ءىس-قيمىل سيپاتى
1 2 3 4
اقپاراتتىق جۇيەنى, «ەلەكتروندىق ۇكىمەتتىڭ» اقپاراتتىق-كوممۋنيكاتسيالىق
پلاتفورماسىن, مەملەكەتتىك ورگاننىڭ ينتەرنەت-رەسۋرسىن اقپاراتتىق قاۋىپسىزدىك
تالاپتارىنا سايكەستىككە اتتەستاتتاۋدان وتكىزۋ قاعيدالارىنا 5-قوسىمشا
نىسان
تەحنيكالىق قۇرالداردىڭ تىزبەسى
ر/س № ءوندىرۋشى, مودەلى سەريالىق/تۇگەندەۋ ءنومىرى اقپاراتتىق قاۋىپسىزدىك سەرتيفيكاتىنىڭ ءنومىرى (بار بولسا) فيزيكالىق ورنالاسقان جەرى ءتيپى (تەحنيكالىق قۇجاتتاماعا سايكەس) نەگىزگى فۋنكتسيونالدىق ماقساتى (اتتەستاتتاۋ وبەكتىسىنە باعدارلامالىق قۇجاتتاماعا سايكەس) اقپاراتتى قورعاۋدىڭ پايدالانىلاتىن ادىستەرى ازىرلەۋشى, اتاۋى, نۇسقاسى (كىرىكتىرىلگەن باعدارلامالىق قامتىلىم) IP ادرەستەرى
1 2 3 4 5 6 7 8 9
اقپاراتتىق جۇيەنى, «ەلەكتروندىق ۇكىمەتتىڭ» اقپاراتتىق-كوممۋنيكاتسيالىق
پلاتفورماسىن, مەملەكەتتىك ورگاننىڭ ينتەرنەت-رەسۋرسىن اقپاراتتىق قاۋىپسىزدىك
تالاپتارىنا سايكەستىككە اتتەستاتتاۋدان وتكىزۋ قاعيدالارىنا 6-قوسىمشا
نىسان
باعدارلامالىق قۇرالداردىڭ تىزبەسى
ر/س № ازىرلەۋشى اتاۋى نۇسقاسى ورناتىلعان جەرى (تەحنيكالىق قۇرالداردىڭ تىزبەسىنەن) ءتيپى (باعدارلامالىق قۇجاتتاماعا سايكەس) نەگىزگى فۋنكتسيونالدىق ماقساتى (باعدارلامالىق قۇجاتتاماعا سايكەس) اقپاراتتى قورعاۋدىڭ پايدالانىلاتىن ادىستەرى
1 2 3 4 5 6 7 8
اقپاراتتىق جۇيەنى, «ەلەكتروندىق ۇكىمەتتىڭ» اقپاراتتىق-كوممۋنيكاتسيالىق
پلاتفورماسىن, مەملەكەتتىك ورگاننىڭ ينتەرنەت-رەسۋرسىن اقپاراتتىق قاۋىپسىزدىك
تالاپتارىنا سايكەستىككە اتتەستاتتاۋدان وتكىزۋ قاعيدالارىنا 7-قوسىمشا
نىسان
اتتەستاتتاۋ وبەكتىسىنىڭ اقپاراتتىق قاۋىپسىزدىك تالاپتارىنا سايكەستىگىنىڭ
№ _______اتتەستاتى
_________________________________________________________________________________
(اتتەستاتتاۋ وبەكتىسىنىڭ اتاۋى)
_________________________________________________________________________________
№____ 20____جىلعى « »_________ دەيىن جارامدى
وسى اتتەستات:
__________________________________________________________________
(اتتەستاتتاۋ وبەكتىسىنىڭ اتاۋى)
اقپاراتتىق قاۋiپسiزدiك تالاپتارىنا, اقپاراتتىق قاۋىپسىزدىك سالاسىنداعى ستاندارتتارعا سايكەستىگىن كۋالاندىرادى. اقپاراتتىق جۇيەنىڭ/ «ەلەكتروندىق ۇكىمەتتىڭ» اقپاراتتىق-كوممۋنيكاتسيالىق پلاتفورماسىنىڭ/ مەملەكەتتىك ورگاننىڭ ينتەرنەت-رەسۋرسىنىڭ باعدارلامالىق جانە تەحنيكالىق قۇرالدار كەشەنiنىڭ قۇرامى اتتەستاتقا قوسا بەرiلەدى.
اتتەستاتتاۋ وبەكتىلەرىندە اتتەستاتتىق زەرتتەپ-قاراۋ ناتيجەلەرىن ەسكەرە وتىرىپ, _________________________ اقپاراتتى وڭدەۋگە رۇقسات بەرىلەدى. (قىزمەتتiك, جالپىعا قول جەتىمدى جانە ت.ب.)
اتەستاتتاۋ وبەكتىلەرىن پايدالانۋ كەزىندە تىيىم سالىنادى:
________________________________________________________________________________
(اقپاراتتى قورعاۋ شارالارى مەن قۇرالدارى تيiمدiلiگiنە
اسەر ەتۋi مۇمكىن شەكتەۋلەر كورسەتiلەدi)
Iسكە اسىرىلعان شارالاردىڭ جانە قورعاۋ قۇرالدارىنىڭ تيiمدiلiگiن باقىلاۋ ءوتىنىش بەرۋشىنىڭ ءتيىستى بولىمشەلەرىنە جۇكتەلەدi.
اتتەستاتتىق زەرتتەپ-قاراۋدىڭ تولىق ناتيجەلەرi اتتەستاتتىق زەرتتەپ-قاراۋ اكتiسiندە (20___ جىلعى «___» ____________ № __ ) كەلتiرiلەدى.
وسى اتتەستاتتاۋ وبەكتىسىنىڭ اقپاراتتىق قاۋىپسىزدىك تالاپتارىنا سايكەستىك اتتەستاتى ____________________________ بەرiلدi,
(اتتەستاتتىڭ جارامدىلىق مەرزىمى)
وسى ۋاقىت ىشىندە اتتەستاتتاۋ وبەكتىسىنىڭ جۇمىس ىستەۋ جاعدايى مەن فۋنكتسيونالدىعىنىڭ وزگەرمەۋى قامتاماسىز ەتىلۋگە ءتيىس.
مەملەكەتتىك تەحنيكالىق قىزمەتكە مiندەتتi تۇردە حابارلانۋى ءتيىس وزگەرiستەر سيپاتتامالارىنىڭ تiزبەسi:
1) ____________________________________ ;
2) ____________________________________ .
توراعا _________________
(ت.ا.ءا. (بار بولسا)
م.و. 20__جىلعى «____»_____________
جىلعى
№ اتتەستاتقا
قوسىمشا
№ 1-كەستە
P/س № ءوندىرۋشى, مودەلى سەريالىق/تۇگەندەۋ ءنومىرى اقپاراتتىق قاۋىپسىزدىك سەرتيفيكاتىنىڭ ءنومىرى (بار بولسا) فيزيكالىق ورنالاسقان جەرى ءتيپى (تەحنيكالىق قۇجاتتاماعا سايكەس) نەگىزگى فۋنكتسيونالدىق ماقساتى (اتتەستاتتاۋ وبەكتىسىنە باعدارلامالىق قۇجاتتاماعا سايكەس) اقپاراتتى قورعاۋدىڭ پايدالانىلاتىن ادىستەرى ازىرلەۋشى, اتاۋى, نۇسقاسى (كىرىكتىرىلگەن باعدارلامالىق قامتىلىمنىڭ)
1 2 3 4 5 6 7 8 9
№ 2-كەستە
ر/س № ازىرلەۋشى اتاۋى نۇسقاسى ورناتىلعان جەرى (تەحنيكالىق قۇرالداردىڭ تىزبەسىنەن) ءتيپى (باعدارلامالىق قۇجاتتاماعا سايكەس) نەگىزگى فۋنكتسيونالدىق ماقساتى (باعدارلامالىق قۇجاتتاماعا سايكەس) اقپاراتتى قورعاۋدىڭ پايدالانىلاتىن ادىستەرى
1 2 3 4 5 6 7 8
قازاقستان رەسپۋبليكاسى ۇكىمەتىنىڭ
2016 جىلعى 23 مامىرداعى №298 قاۋلىسىنا قوسىمشا
قازاقستان رەسپۋبليكاسى ۇكىمەتىنىڭ
كەيبىر كۇشى جويىلعان شەشىمدەرىنىڭ تىزبەسى
1. «مەملەكەتتىك اقپاراتتىق جۇيەلەردى جانە مەملەكەتتىك اقپاراتتىق جۇيەلەرمەن ينتەگراتسيالاناتىن مەملەكەتتىك ەمەس اقپاراتتىق جۇيەلەردى ولاردىڭ اقپاراتتىق قاۋىپسىزدىك تالاپتارىنا جانە قازاقستان رەسپۋبليكاسىنىڭ اۋماعىندا قابىلدانعان ستاندارتتارعا سايكەستىگىنە اتتەستاتتاۋ جۇرگىزۋ ەرەجەلەرىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2009 جىلعى 30 جەلتوقسانداعى № 2280 قاۋلىسى (قازاقستان رەسپۋبليكاسىنىڭ ءپۇاج-ى, 2010 ج., № 4, 39-قۇجات).
2. «مەملەكەتتىك اقپاراتتىق جۇيەلەردى جانە مەملەكەتتىك اقپاراتتىق جۇيەلەرمەن ينتەگراتسيالاناتىن مەملەكەتتىك ەمەس اقپاراتتىق جۇيەلەردى ولاردىڭ اقپاراتتىق قاۋىپسىزدىك تالاپتارىنا جانە قازاقستان رەسپۋبليكاسىنىڭ اۋماعىندا قابىلدانعان ستاندارتتارعا سايكەستىگىنە اتتەستاتتاۋ جۇرگىزۋ ەرەجەلەرىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2009 جىلعى 30 جەلتوقسانداعى № 2280 قاۋلىسىنا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى ۇكىمەتىنىڭ 2011 جىلعى 3 قاراشاداعى № 1285 قاۋلىسى (قازاقستان رەسپۋبليكاسىنىڭ ءپۇاج-ى, 2012 ج., № 1, 7-قۇجات).
3. «اقپاراتتىق تەحنولوگيالار سالاسىنداعى مەملەكەتتىك كورسەتىلەتىن قىزمەتتەردىڭ ستاندارتتارىن بەكىتۋ جانە قازاقستان رەسپۋبليكاسى ۇكىمەتىنىڭ «جەكە جانە زاڭدى تۇلعالارعا كورسەتىلەتىن مەملەكەتتىك قىزمەتتەردىڭ ءتىزىلىمىن بەكىتۋ تۋرالى» 2010 جىلعى 20 شىلدەدەگى № 745 جانە «مەملەكەتتىك اقپاراتتىق جۇيەلەردى جانە مەملەكەتتىك اقپاراتتىق جۇيەلەرمەن ينتەگراتسيالاناتىن مەملەكەتتىك ەمەس اقپاراتتىق جۇيەلەردى ولاردىڭ اقپاراتتىق قاۋىپسىزدىك تالاپتارىنا جانە قازاقستان رەسپۋبليكاسىنىڭ اۋماعىندا قابىلدانعان ستاندارتتارعا سايكەستىگىنە اتتەستاتتاۋ جۇرگىزۋ ەرەجەلەرىن بەكىتۋ تۋرالى» 2009 جىلعى 30 جەلتوقسانداعى № 2280 قاۋلىلارىنا وزگەرىستەر ەنگىزۋ تۋرالى» قازاقستان رەسپۋبليكاسى ۇكىمەتىنىڭ 2012 جىلعى 25 قىركۇيەكتەگى № 1241 قاۋلىسى (قازاقستان رەسپۋبليكاسىنىڭ ءپۇاج-ى, 2012 ج., № 71, 1047-قۇجات).
4. «مەملەكەتتىك تەحنيكالىق قىزمەتتىڭ كەيبىر ماسەلەلەرى تۋرالى» قازاقستان رەسپۋبليكاسى ۇكىمەتىنىڭ 2013 جىلعى 28 قاڭتارداعى № 49 قاۋلىسىمەن بەكىتىلگەن قازاقستان رەسپۋبليكاسى ۇكىمەتىنىڭ كەيبىر شەشىمدەرىنە ەنگىزىلەتىن وزگەرىستەردىڭ 5-تارماعى (قازاقستان رەسپۋبليكاسىنىڭ ءپۇاج-ى, 2013 ج., № 12, 226-قۇجات).
5. «قازاقستان رەسپۋبليكاسى ۇكىمەتىنىڭ كەيبىر شەشىمدەرىنە وزگەرىستەر ەنگىزۋ تۋرالى» قازاقستان رەسپۋبليكاسى ۇكىمەتىنىڭ 2013 جىلعى 21 مامىرداعى № 507 قاۋلىسىمەن بەكىتىلگەن قازاقستان رەسپۋبليكاسى ۇكىمەتىنىڭ كەيبىر شەشىمدەرىنە ەنگىزىلەتىن وزگەرىستەردىڭ 3-تارماعى (قازاقستان رەسپۋبليكاسىنىڭ ءپۇاج-ى, 2013 ج., № 34, 505-قۇجات).